Абшыр-Атада эс алуу эмес, ага жетүү кыйын + аудио

5 Июль 2014 жыл 13:10
Количество просмотров: 21

AAta5
Жай мезгилинде алыс жана жакында жашаган эл эс алуу үчүн Абшыр-Атага барууну самайт. Бирок ал жактын жолунун начардыгы аларга ыңгайсыздык жаратканын айтышат.

[soundcloud id=’156940876′]

Кыргызстандын түштүк аймагындагы жергиликтүү тургундар менен катар чет өлкөлүк туристтердин да көңүлүн өзүнө бурган жайлардын бири — бул Абшыр-Ата.

Эки тарабы бийик тоолуу жерде капчыгай бар. Капчыгайдын бир тарабындагы таш тоонун боорунан суу агып чыгат. Бул жайды көрүү үчүн коноктор көбүнесе жай мезгилинде келишет.

AAta1

Таш тоонун боорунан чыккан суу атайын орнотулган түтүк аркылуу Кулатов айыл аймагына кирген кыштактарга агып барат.

Талант Эргешов Ноокат районундагы Кулатов айыл аймагынын Кызыл-Булак айылында жашайт. Эс алуу максатында, же болбосо да Абшыр-Ата суусунун жанындагы Шыпа булактан дарылануу үчүн ал жылына эң аз бир жолу барат.

AAta2

Анын айтымында Абшыр-Атага барган жолду сел улам алып кеткендиктен ал жакка жетүү кыйынчылыктар менен коштолот.

“Ушунчалык сонун жер. Бирок жолу начар, ошону оңдоп асфальттап койсо, туристтер да, эс алуучу адамдар да көбөймөк. Сел өткөн жерлерге турба койсо жакшы болмок. Анткени сел дайыма жолду алып кетет”, — дейт ал.

Кулатов айыл өкмөтүнүн башчысы Нуридин Мадимаров, азыр жол маселесин сүйлөшүп жатабыз, шагыл төктүрүп тегиздетебиз, дейт.

AAta3

Бирок ал Абшыр-Ата мындан 18 жыл мурда сатылып кеткендиктен, жеке менчик ээси аталган жайдын абалына жоопкеричилик аларын кошумчалады.

Эл арасында Абшыр-Ата тууралуу ар кандай уламыштар айтылып жүрөт.

Кызыл-Булак айылынын жашоочусу Майрам Шамшиеванын айтымында, Абшыр-Атада Мухаммед пайгамбардын намаз окуган издери бар — анын пикиринде, Абшыр-Ата ошондуктан ыйык жер.

S

Дагы бир уламышка караганда, илгери ал жерден суу эмес, сүт акчу. Бир аял баласынын жалаягын ошол сүткө жуугандан кийин, ал жердеги сүт сууга айланып калган.

Шамшиева кошумчалагандай, Абшыр-Атанын суусу таттуу жана анын жанындагы Шыпа булактын дарылык касиети бар — жараларды бат айыктырат.

Эл ичинде аны ар кайсы дене ооруларына пайдаланып келишет.

Автор: Айкын Дарбишов

Добавить комментарий

Ваш адрес email не будет опубликован. Обязательные поля помечены *


КОРОНАВИРУС КЫРГЫЗСТАНДА

Жамааттык Медиа COVID-19 га каршы

ЖАЛПЫ САНЫ:

1936

ЖАҢЫ КАТТАЛГАН УЧУР:

37

МЕДИКТЕР:

378

ЖАЛПЫ АЙЫККАНДАР:

1340

КАЗА БОЛГОНДОР:

22

Календарь

Сурамжылоо

Айылынызды өнүктүрүүгө кандай аракеттер керек деп ойлойсуз? Ой калтырыңыз

Сурамжылоонун жыйынтыгы

Загрузка ... Загрузка ...

КОРОНАВИРУС КЫРГЫЗСТАНДА

Жамааттык Медиа COVID-19 га каршы

ЖАЛПЫ САНЫ:

1936

ЖАҢЫ КАТТАЛГАН УЧУР:

37

МЕДИКТЕР:

378

ЖАЛПЫ АЙЫККАНДАР:

1340

КАЗА БОЛГОНДОР:

22

Календарь

Сурамжылоо

Айылынызды өнүктүрүүгө кандай аракеттер керек деп ойлойсуз? Ой калтырыңыз

Сурамжылоонун жыйынтыгы

Загрузка ... Загрузка ...