Жанылыктар, кызыктуу видео, фотолорду бизге жөнөтүңүз WhatsApp 0555402155
Айылга суук түшө баштагандыктан, жыйып-терүү иштери аяктап калды. Токтояндын тургундарынын айтуусунда, быйыл суук жылдагыга караганда эртерээк түшүп, иштер бир аз да болсо бүтүп калган.
Токтоян айылынын мектебинде окуучулардын өзүн-өзү башкаруу айлыгы жүрүп жатат. Бул айлыкта класстар боюнча эң таза класс, эң тартиптүү класс, эң активтүү класс болуп сынактар жүрүүдө.
Учурда айылдын тургундары кышка даярданып жатышат. Жал жамааттык мультимедия борборунун корреспонденттери айыл тургундарынын кышка даярдыктары тууралуу сурамжылоо жүргүзүштү.
Кыргыз Республикасынын эл артисти Нурак Абдрахманов быйыл тирүү болгондо 19-октябрда 69 жашка чыкмак. Ал 1947-жылы Ак-Талаа районуна караштуу Куртка айылында төрөлүп, өскөн.
Октябрь айынын алгачкы жумалыгында агартуучулардын кесиптик майрамы салт катары белгиленип келет. Быйылкы окуу жылында алгачкы жолу агартуучулар арасында спорттун түрлөрү боюнча мелдеш уюштурулуп, облустан Ак-Талаанын командасы 2-орунду алды.
Токтоян айылынын Ашырбай Коёнкөзов мектебинде карылар айлыгы жүрүп жатат. Бул айда окуучулар класс класска бөлүнүп, улгайган адамдарга өз колдорунан келишинче жардам беришүүдө.
Кыргыз тил айлыгы облус боюнча жүрүп жатат. Бул айлыкта кыргыз тили жөнүндө ар кандай дилбаяндар жазылып, кечелер өтүлүүдө. Мындай иш-чара Түп районунун Токтоян айылында да болуп өттү.
Мамлекеттик жана коомдук ишмер Абдыкаар Эргешовдун элесине арналган Ноокат районунундагы жаштар арасында волейбол боюнча мелдеш Куу-Майдан айылындагы Жапар Нышанов орто мектебинде болуп өттү. Мелдештин жеңүүчүлөрүнө диплом жана акчалай сыйлыктар ыйгарылды.
Суусамыр айылындагы Кадырбек Конушбаев атындагы орто мектебинин жалпы жылуулук системасы жаңыртылып жатат. Буга чейин мектептин жылуулук системасы кышкы суукта үзгүлтүккө учурап, кыйынчылыктарды туудуруп келген.
Жайыл районундагы Кара-Суу айылынын тургундары кышка даярдык көрүп, керектүү нерселерди жасап алыштыбы? Бул тууралуу билип көрүү үчүн айылдыктардан сурамжылоо жүргүзүп көрдүк.
Үстүбүздөгү жылдын 11-декабрь күнү бүткүл республика боюнча жергиликтүү кеӊештерге депутаттарды шайлоо өтөт. Ага карата аймактык жана айылдык участкалык комиссия мүчөлөрү райондук мамлекеттик каттоо бөлүмү менен биргеликте шайлоочулардын тизмелерин кайрадан такташууда.
Бердиш бабабыздын 5 уул 5 кызы болгон, балдарынын улуусу Турумбек 32 жашында каза болуп калат. Аталардын айтымында, Турумбек ата балбан киши болгон экен.
Нарын районунун Учкун айылындагы Эшбай Токсобаев мектебинде өткөн «Күзгү майрам» кечесинде балдар кыздардын бетине макияж жасап, калыстар тобунун алдында өз колдору менен түрдүү салаттарды даярдап беришти.
1936-жылы 2-сентябрда Кыргыз ССР Жогорку Советинин президиуму республикага караштуу жаӊы райондорду түзүү жана айрым райондордун административдик-территориялык бөлүнүшүн өзгөртүү тууралуу указын чыгарган.
Учкун айылынын Эшбай Токсобаев мектебинде 18-октябрда 9-10-класстардын арасында «Күзгү майрам» кечеси болуп, Токсобаев мектеби жаңы ханзаада жана ханышалуу болду.
Сокулук районуна караштуу Сарбан айылынын тургуну Руслан Сурахманов Жал медиа борборунун корреспонденттерине айылынын алгачкы көчөлөрү жөнүндө айтып берди.
Нарын районунун Кызыл-Жылдыз айылында 16- октябрь күнү Уу-Жон аттуу жерде 10-класстар арасындагы улак тартыш оюну болуп өттү. Оюнга Кызыл-Жылдыз жана Жерге-Тал айылдарынын мектеп окуучулары катышышты.
Нарын районундагы Кызыл-Жылдыз айылындагы М. Иманалиев атындагы орто мектепте 10-класстардын уюштуруусунда 17-октябрь күнү “Ак терек-Көк терек” аттуу чакан иш чара болуп өттү.
Суусамыр өрөөнүндөгү 5 орто мектептин президенттери Суусамыр радиосунун түз эфиринде күч сынашып, “Эң мыкты президент” наамын Кожомкул айылынын Сапарбек Мырзакматов атындагы орто мектебинин президенти Адамаалы Бакыт уулу жеңип алды.
Нурабаев Мирбек Ак-Талаа районундагы Жаңы-Талап айылынын тургуну. 33 жаштагы Мирбек айылда жеке ишкерлик менен алектенип, чакан дүкөн иштетет.
Загрузка ...