27-майда катуу жааган жамгырдан улам, Кадамжай районунун айрым айылдарында сел жүрүп, адам өмүрүн алган учурлар катталды. Мындан улам Үч-Коргон айыл аймагынын аймагында да өзгөчө кырдаал жарыяланды.
Базар-Коргон районуна караштуу Чкалов айылындагы көпүрө сел болгонуна байланыштуу тең экиге бөлүнүп калды. Учурда оңдоо иштери жүрүп жатат.
Куланакта тынбай жааган жаандын кесепетинен кыян каптагандагын кабарлаганбыз. Учурда кыян түшкөн көпүрөлөр оңдолуп жатат. Иш жүрүп жаткан жерден маектештик.
Куланак айылындагы Он сарай жана Төрт сарай аймагында 11-май күнү эртең мененки саат 7де кыян каптоо болду. Кыян жогоруда аталган аймакта жашаган тургундардын короосунан үйүнө чейин каптап кирген.
Базар-Коргон районунун Ооган-Талаа айылында экинчи ирет сел жүрүп жолдор тосулду. Айыл тургундарынын үйүнө чейин сел кирип жабыр тартышты.
Базар-Коргон районунун Могол айыл аймагында 25-апрелден 26-апрелге караган түндө катуу жаан жаап, үй, жолдорду сел алды. Айыл өкмөт башчысы 10 үйдү сел алганын айтты.
Ноокат районунун Куу-Майдан айылында мөндүр аралаш жаан чачындан улам сел жүрдү. Жабыр тарткандар жок.
Куланак айылы тоого жакын жайгашкандыктан, кыян көп болот. Бул экономикалык жактан гана чыгымдарды алып келбестен, кошуналык мамилелерди да бузуп келүүдө.