Кыргыз Республикасынын Президентинин 2021-жылынын 29-январындагы №1– Инсандын руханий адеп-ахлактыгынын өнүгүүсү жана дене-тарбиясын чыңдоо жөнүндөгү Президенттин Жарлыгына ылайык Кочкор районунун РИИБи тарабынан уюштурулган Ж.Тойгомбаев атындагы №15 кесиптик лицейинде мугалимдер, окуучулар жана жумушчу-кызматчылар арасында кыргыздын улуттук оюндары боюнча атайын мелдеш болуп өттү.
Мелдешти Кочкор районунун Балдар иштери боюнча Инспектору милициянын майору Гүлира Касымкулова №15 кесиптик лицейине келип мелдештин жүрүшүнө күбө болду. Оюндар Ж. Тойгомбаев атындагы №15 кесиптик лицейинин спорт жетекчиси Үсөн Карамакеевдин жетекчилиги астында өттү.
Кыргыздын улуттук оюндары аркан тартыш, кол күрөш, кап менен секирүү жана волейбол оюндары арасында мелдеш өткөрүлдү.
Мелдештин максаты: өспүрүмдөр арасында кылмыштуулуктун алдын алуу жана убакытты туура жактарга пайдаланып, организмге терс таасирин тийгизген зыян нерселерден алыс болууга чакырып, жаш муундун кыргыздын улуттук оюндарына болгон кызыгууларын арттырып жана улуттук оюндарды даңазалап жайылтуу.
Жыйынтыгында жеңүүчүлөргө диплом, грамоталар тапшырылды.
Төлөн Токтосунова