Үч-Коргон: Жаштар Кербен шаарында бизнести пландаштыруу боюнча окуудан өттү

14 Апрель 2015 жыл 19:37

Көрүүлөрдүн саны: 669

11070812_624049674392839_3474749204043175560_n (1)

Аксы районуа караштуу Кербен шаарында 10-апрель 12-апрель күндөрү бизнести пландаштыруу боюнча тренинг болуп өттү. Уюштурулган тренингге 23 жаштар борборлорунун ичинен Үч-Коргон жаштар борборунун лидери Медер Суюнов да активдүү катышып келеген.

“Бул тренингдин негизги максаты жаштар борборлорунун ортосунда бизнести кантип пландаштыруу жана мындан ары туруктуулугун сактап өнүктүрүү болуп саналат”, — деп билдирди Медер.

Тренингдин жыйынтыгында катышуучуларга сертификаттар тапшырылган.

Суюновдун билдиришинче, бул тренинг ЮНИСЕФ тарабынан каржыланып Проматанг компаниясы тарабынан өткөрүлдү. Катышучулар бизнести пландаштыруу боюнча өздөрүнүн кызыктырган суроолоруна жоопторду алышкан.

«Тренинг учурунда бизге көп мүмкүнчүлүктөр, шарттар түзүлдү. Алардан бирин мисалга алсам, 23 жаштар борборунун ичинен сегиз жаштар борбору гранттарды утуп алуу мүмкүнчүлүгүнө ээ болушту», — деп бөлүштү ал.