«Жыл мугалими-2019» кароо сынагынын жеңүүчүсү аныкталды

13 Апрель 2019 жыл 21:24

Көрүүлөрдүн саны: 972

Базар-Коргон районунда «Жыл мугалими-2019» сынагынын райондук туру өтүп, жеңүүчүлөр аныкталды.

Райондук Билим берүү бөлүмүнө караштуу мектептерден райондук турга сынакка Акман айыл аймагынан №35 Тешебай Исак уулу мектебинен физика мугалими, организатор Кыргызбаева Назгул, Базар-Коргон айыл аймагынан №3 Бабур гимназия мектебинин англис тили мугалими Хошимова Малика, Бешик-Жон айыл аймагынан №42 Сооронбаев орто мектебинин орус тили жана адабияты мугалими Жумабаева Айжан, Кенеш айыл аймагынан №14 1-май гимназия мектебинин тарых мугалими Торокулова Алтынай, Арстанбап айыл аймагынан башталгыч класс мугалими Темирбаева Зияда, Сейдигум айыл аймагынан Асанов орто мектебинин кыргыз тили жана адабияты мугалими Жээнтаева Гулбарчын 2019-жылдын 12-13-апрель күндөрү №30 Атабекова инновациялык гимназия мектебинде болуп өттү.

Сынактын биринчи күнү сабактар өтүлүп, 2-күнү эссе жазылды. Педагогикалык суроолор камтылган тесттер менен мугалимдердин ой-жүгүртүүсү текшерилди.

Экинчи күнү чыгармачылык менен катышуучулар өзүн-өзү тааныштырышты.Сынактын жыйынтыгында 1-орун Кыргызбаева Назгул Тешебай Исак уулу атындагы орто мектебинин мугалими, 2-орун Асанов орто мектебинин кыргыз тили жана адабияты мугалими Гулбарчын, 3-орунду 1-май гимназия мектебинин тарых мугалими Торокулова Алтынай болуп, Хошимова, Темирбаева, Жумабаеваларга номинациялар ыйгарылды.