Сары-Булак айылындагы таштанды полигонунун айланасы тосулууда

Сары-Булак айылындагы таштанды чыгаруучу жайдын айланасын тосуу иштери башталды. Полигондун аймагын иретке келтирүү жана экологиялык абалды жакшыртуу максатындагы бул ишке керектүү материалдарды “Төлөк-Ак-Кыя” муниципалдык ишканасы каржылап, учурда жеринде тосмо орнотуу жумуштары жүргүзүлүүдө.

Сары-Булак айыл аймагынын айыл өкмөтүнө караштуу Сары-Булак айылындагы таштанды чыгаруучу жайдын айланасын тосуу иштери жүргүзүлүүдө. Бул иштер айлана-чөйрөнү коргоо, санитардык абалды жакшыртуу жана таштандынын айлана-тегерекке чачырап кетүүсүн алдын алуу максатында уюштурулду.

Полигондун айланасын тосууга керектүү материалдар “Төлөк-Ак-Кыя” муниципалдык ишканасы тарабынан каржыланып берилди. Учурда жеринде тосмо орнотуу иштери жүрүп, тиешелүү кызматкерлер жана жергиликтүү тургундар тарабынан колдоо көрсөтүлүүдө.

Бул демилге айыл аймагындагы экологиялык абалды жакшыртууга багытталган маанилүү кадамдардын бири болуп саналат. Айрыкча мал-жандыктар таштанды жайына кирип кетүүсүнүн алдын алуу, шамал аркылуу таштандынын учуп тарашын азайтуу жана айлана-чөйрөнүн тазалыгын сактоо боюнча тосмонун мааниси чоң.

Жергиликтүү бийлик өкүлдөрүнүн айтымында, мындан ары дагы санитардык тазалыкты жакшыртуу боюнча бир катар иштер улантылып, айыл ичиндеги экологиялык маданиятты көтөрүүгө өзгөчө көңүл бурулат.

Сары-Булак айыл аймагындагы мындай иштер жергиликтүү тургундардын ден соолугуна жана айлана-чөйрөнүн коопсуздугуна оң таасирин тийгизери күтүлүүдө.

Бурул Майрамбек кызы