Токтогулдук спортчулар облустук спартакиадада II орунду ээледи

​Токтогул районунун спортчулары майыптыгы бар жарандар арасында өткөн XV Жалал-Абад облустук спартакиадасында командалык эсепте II орунду ээлеп, күмүш медалга ээ болушту.


Мелдеш 2026-жылдын 25-сентябрында Аксы районунун Кербен шаарында өткөрүлдү. Ага Жалал-Абад облусунун аймактарынан келген спортчулар катышып, спорттун бир нече түрү боюнча күч сынашты.
​

Токтогул районунун намысын 17 спортчудан турган курама команда коргоду. Алар спорттун жети түрү боюнча мелдешке катышты. Алардын катарында:
— жаа атуу;
— таяк тартыш (масс-рестлинг);
— кол күрөш (армрестлинг);
— таш көтөрүү;
— коляскада жарышуу;
— шахмат;
— шашки боюнча мелдештер болду.

Мелдештин жыйынтыгында бардык спорт түрлөрү боюнча топтолгон упайлар эсептелип, Токтогул районунун курама командасы командалык эсепте II орунду ээледи.

​
Спортчулардын Кербен шаарына барып-келүүсү, жол чыгымдары жана уюштуруу маселелери Токтогул шаардык мэриясы жана айыл өкмөттөрү тарабынан каржыланды.

Даярдаган: Азема Сабырбекова