Аба ырайына байланыштуу быйыл Ооган-Талаада жаңгак болбоду

Апрель айында кар жааганына байланыштуу быйыл айылда жаңгак мөмө бербеди. Ооган-Талаа айылынын тургуну, башталгыч класс мугалими Тойчиева Гулнара:

Быйыл жаңгактын болбой калгандыгынын себеби жаңгак амалга келе турган убагында кар жаап үшүк алып кетти.

Айылда жумуш жок болгондуктан көпчүлүк элге кыйынчылык болот деп ойлойм. Себеби эл сезонунда жаңгак менен иштешчү. Жаңгак жок болгондуктан көптөгөн жаш жараандар Россияга иштегени кетип жатышат. Ал эми калган эл өздөрүнүн жөндөмдөрү менен  иштей беришет деп  ойлойм. Бирок кийики жылдан жаңгак мөмө берет деген эле ойдобуз.

Ооган-Талаа айылынын пенсионери Тоюбаева Саадат:

Быйыл жаңгактын мөмө бербей калганы бул элдин бир чоң көйгөйү болуп эсептелинет.
Себеби айылда элдин көпчүлүк бөлүгү жумушсуз. Бизде токой чарба болгондуктан көпчүлүгү жаңгак менен тирилик кылышчу.Биздин ата-бабаларыбыз  жаңгакты үшүк алса эки үч жыл мөмө бербейт деп айтышчу.

Ооган-Талаа айылынын тургуну Укубаев Курманбек:
Жаңгактын жаңы бутактарын бир метрден үч метрге чейин үшүк алып кетти. Үшүк алган бутактар кургап калган. Бирок кийинки жылдан жаңгак мөмө берсе керек деген ойдобуз.

Автор: Курманбекова Алия, Биймырзаева Чолпон

Клооптун журналистика мектебине катышуу үчүн сынакка.