«Биринчи мугалим» тасмасында тартылган Кызыл-Туу айылынын тургуну

Советтик киноматографиянын чыгаан актерлорунун бири, Сүймонкул Чокморов менен кинотасмаларга тартылган Насирдин Дубашев Саадаш  Абдылдаева атындагы орто мектебинин окуучулары менен жолугушту.

«Көнөк» жамааттык мультимедиа борборунун кабарчылары Дубашев менен маек курушту.

— Саламатсызбы, Насредин Дубашов ата! Бизге маек куруп берип жатканынызга рахмат!

— Силерге да рахмат!

— Сиз канча жашыңыздан киного тартыла баштадыңыз эле?

— Силерге окшоп окуучу болгон кезимен тартыла баштагам. Тагыраак айтсам, 3-4 класс болчумун.

— Сиз кайсы каарманыңызды жактырасыз»?

— Мага эки каарманым жагат жана жакынырак сезилет. Алар: Айтматовтун «Жамиля» чыгармасынын негизинде тартылган кинодогу Сейиттин ролу жана Төлөмүш Океевдин  «Бакайдын жайыты» деген тасмасындагы Калыктын ролу мага жакын. Себеби өзүм да кичине кезимен атам менен мал багышып жүрүп калгам.

— Сиздин тартылган биринчи тасмаңыз кайсы?

— Андрей Кончаловскийдин «Биринчи мугалим» тасмасы. Бул кино 1964-жылы тартылган.

— Кайсы окуу жайды аяктадыңыз эле?

— Мен жаш балдардын образын жараткандыктан атайын окууну окуган эмесмин. Бул баягы тубаса мүмкүнчүлүк деп эсептейм.

— Азыркы кыргыз киносу жөнүндө оюңуз кандай?

— Кыргыздын жаш режиссерлору көп. Алар колунан келген тасмаларды тартып жатышат. Бул жакшы көрүнүш. Айта турган бир гана нерсе, тасманын мазмунун, сапатын оңдоо керек.

— Үй-бүлөңүз жөнүндө айтып бериңизчи?

— Мен өзүм алты бир тууганмын. Эки кыз, бир уулдун атасымын. Азыр ардактуу эс алуудамын.

— Жаш муунга каалоо-тилегинизди айтып коёсузбу.

— Балдарым силерге кааларым көп, билим алууга умтулгула. Адептүү жана ыймандуу жаштардан болгула.

Даярдагандар: Артык кызы Гүлназ, Өскөнова Эркайым, Оморбекова Аяна, Орозбекова Аяна, Медербекова Сайкал.