Көчөдө балдарга Жаны Жылдык белектер таратылды (фото баян)

Баетов айылындагы Дөрбөлжүн аянтында балдарга Жаңы Жылдык белектер берилди. Таң эрте музыка жаңырып, аянтты шанга бөлөдү.  Аянтка орнотулган балатынын жанында чогулган балдар  сукка карабай  ырдап-бийлешип, табышмактарды табышып, белек алууга аракет кылышты.

Баетов айыл өкмөтүнөн алынган маалыматка караганда   белек берилчү балдардын тизмеси түзүлүп, чакыруулар берилген. Ал тизмеге айылдагы аз камсыз болгон үй-бүлөнүн жана бала бакчалардагы    балдар катталган.  Белектер Баетов айыл өкмөтүнүн бюджетинин эсебинен  100 гө жакын балага даярдалган.

Балдарды Жаңы Жылдык салтанатка алып келген ата-энелер да куттуктоолорун айтып, ырдап беришти. Иш чарага Баетов айыл өкмөтүнүн башчысы Т.Турусбеков катышты.

Сынакка даярдаган:  Кубанычбекова Эльвира

Редактору:  Тажиева Эльнура

Маалымат басылманын менчиги болуп саналат жана көчурүп басууга тыюу салынат!