Кыргыз Республикасынын Президентинин 2021-2026-жылдарда «Инсандын руханий адеп-ахлактын өнүгүүсү жана дене тарбиясы» жөнүндө концепциясынын жана «Улуттук нарк» Жарлыгына ылайык өлкө боюнча өткөрүлгөн кароо сынакка Нарын районунан 1200 окуучу «Манас» эпосун өзгөчө дем менен айтышты.
Иш- чарага Кыргыз Республикасынын Президентинин Нарын облусундагы ыйгарым укуктуу өкүлүнүн биринчи орун басары А. Сапаров, Нарын райондук мамлекеттик администрациясынын башчысы-аким Н. Мадимаров, Нарын райондук мамлекеттик администрациясынын башчысы-акимдин орун басары А. Орозказиева, Нарын райондук билим берүү бөлүмүнүн башчысы Г. Исакова, Нарын районунун мектеп жана бала бакча директорлору, мугалимдер катышышты.
Бул сынакка Нарын районунун бардык мектептери активдүү катышып, Түгөл уулу Усупбек атындагы орто мектебинин окуучулары Каныкейдин жомогунан үзүндү коюп беришти.
Мындай сынактар окуучулардын патриоттук сезимдерин ойготуп, эли-жерин коргоого, улуттук баалуулуктарды сактоого, улуттук маданиятты даңазалоого тарбиялайт.
Баяна Кадырбекова