Ооган-Талаа: Кара-Үңкүр дарыясындагы көпүрөдөн өтүү коркунуч жаратууда

6 Июль 2015 жыл 15:47

Көрүүлөрдүн саны: 414

Ооган-Талаа жана Кара-Көл айылынын тургундары көпүрө жок болгонуна байланыштуу жаз, күз жана кыш айларында кыйналууда.

Нуржамал Мамазарова Кара-Көлдөн Ооган-Талаага келин болуп келген. Көпүрө жок болгонуна байланыштуу Жалал-Абад шаары менен үйүнө барарын жана көпүрөгө барган жол жар коркунучтуу экенин айтып өттүү.

«Мен бул жака келин болуп келгениме 20 жылдан ашты. Мен келгенде эле көпүрөнүн абалы жаман эле, азыр өткөнү да коркунучтуу болуп калды. Жеңил машиналар болсо өтө албайт чоң машиналар дарыя аркылуу өтөт. Анын үстүнө жолу да өтө жаман, жар болуп кеткен, жолдон кичине тайып кетсен дарыяга түшүп кетесиң. Ал жактан үйүмдөгүлөр да тез-тез келе алышпайт, бизда тез бара албайбыз. Кез-кезде Жалал-Абад шаары аркылуу барып турабыз. Ал жака да жол кире керек болот. Ушул жакка жаңы көпүрө курулса же көпүрөнү жакшырак оңдоп койсо жакшы болмок», -дейт Нуржамал эже.

Жашоочулардын айтуусу боюнча көпүрө жаңыланса бир жолу машина өткөнү ыңгайланыштырыдып курулса жакшы болот дешет.

Чындыгында эле көпүрөнүн абалы жаман. Көпүрөдөн өтүп жатканда ары-бери термелип турат. Басып баратканда такталардын учураактарын басып алсаң такталар көтөрүлүп кетет. Ал жерден өтүп жаткан адамдарды көрүп олтуруп биз коркунучка түштүк.