Түрк лицейинин тестирлөөсү Куланак айылында өттү

М.Субакожоев атындагы Түрк лицейи тарабынан жыл сайын өтүлүүчү тестирлөө быйылкы кезеги башталып Нарын облусуна караштуу баардык айылдарда уланууда.

Аталган тестирлөө Нарын районунун Куланак айылында да болуп, ага 6-класстардын окуучулары катышышты.

Аталган түрк лицейдин окуу иштери боюнча директордун орун басары Мурат Кенержи Куланакта жалпы 70 окуучудан тест алганын билдирди.

«Бул мектепке Учкун, Достук, Сары-Ой, Жан-Булак айылдарында окуган 6-классынын окуучулары келишти. Бул тестин жыйынтыгы он күндөн кийин чыгат, жыйынтыгы чыккандан кийин биз өткөн окуучуларга чалып кабар беребиз. Өткөн окуучулардан кайрадан 2-турдан да тест алабыз. Биз бардык райондорду кыдырабыз», — деди Кенержи.

Куланак айылындагы Абдылда Аралбаев орто мектебинде 6-класста окуган Айгерим Сатыбалдиева лицейге окуш үчүн тестке катышкан.

«Суроолор анча деле оор эмес экен. Бул тесттен өтсөм түрк лицейде окуюн деген максаттарым бар. Ата-энем дагы өтүп калсам окууганга уруксат беришти», — деп бөлүштү Айгерим.

Автор: Дилде Шатан кызы
Тренер: Ырысбай Адамалиев
Сынак үчүн