Токтогулда Куран окуу жана азан айтуу боюнча сынактын жеңүүчүлөрү сыйланды

Токтогул шаарынын борбордук мечитинде 9 жаштан 25 жашка чейинки уул-кыздар арасында өткөрүлгөн Куран окуу жана азан айтуу боюнча райондук сынактын жыйынтыктоочу этабы болуп өттү. Иш-чара район акими У.О. Самаевдин тапшырмасы менен уюштурулду.

Салтанаттуу аземге район жетекчилиги катышып, аким Урматбек Самаев жаштарды руханий-адеп-ахлактык баалуулуктарга тартууда мындай сынактардын мааниси чоң экенин баса белгиледи. Демөөрчүлөр тарабынан уюштурулган 300 000 сомдук байге фондунун акчалай сыйлыктары жеңүүчүлөргө жума күнү салтанаттуу тапшырылды.

​Сынактын жеңүүчүлөрү:
​Куран окуу (кыздар, 1 пара):
​Хакимбекова Хадижа (Токтогул ш.)
​Усенболотова Мадина (Токтогул ш.)
​Байыкеева Фатима (Токтогул ш.)
​Куран окуу (кыздар, жарым пара):
​Усенболотова Марва (Токтогул ш.)
​Хакимбекова Марьям (Токтогул ш.)
​Шамшыбекова Халима (Торкен айылы)
​Куран окуу (балдар, 1 пара):
​Каратаев Муса (Токтогул ш.)
​Жолдубаев Нурислам (Токтогул ш.)
​Каратаев Иса (Токтогул ш.)
​Куран окуу (балдар, жарым пара):
​Эркинбаев Нурдан (Токтогул ш.)
​Эсенгелдиев Ибрагим (Токтогул ш.)
​Токтогулов Тилек (Токтогул ш.)
​Азан айтуу жарышы:
​Масалбеков Алишер (Ак-Тектир айылы)
​Байызбеков Абдулло (Комсомол к.р.)
​Капканбеков Бекболсун (Кара-Жыгач айылы)

​Салтанаттын соңунда жеңүүчүлөргө, жигердүү катышуучуларга жана демөөрчүлөргө ыраазычылык билдирилип, ийгиликтер кааланды.

Даярдаган:Азема Сабырбекова