Жайкы табигый жашылча-жемиштер — ден соолуктун булагы

Жай мезгилинде айылдагы бакчаларда өстүрүлгөн жашылча-жемиштер бышып жетилип, дасторконго жаңы үзүлгөн бойдон келет. Багбандардын талыкпас эмгеги менен өстүрүлгөн мындай азыктар даамдуу гана болбостон, адамдын ден соолугу үчүн да өзгөчө пайдалуу.

Аптаптуу күндө мээнет менен сугарылып өскөн ар бир жемиштин пайдасы чексиз:
Жаңы үзүлгөн алма, алмурут, өрүк жана помидор, бадыраң сыяктуу башка жашылчалар витаминдерге (A, C, E) жана минералдарга бай. Алар адамдын иммунитетин көтөрүп, жайкы ысыкта денени сергитет.

Дүкөндөрдөгү химиялык жер семирткичтер менен өстүрүлгөн азыктарга караганда, айылдагы бакчадан чыккан жашылчалар экологиялык жактан таза жана коопсуз.
Курамындагы табигый булалар (клетчатка) тамак сиңирүүнү жакшыртып, жүрөк-кан тамыр системасынын иштешине көмөктөшөт.

Айылдын берекелүү жашылча-жемиштерин жеп жатып, анын артында турган багбандын аптаптагы оор мээнетин, ар бир тамчы Ошол эле учурда ар бир мөмө-жемиштин артында багбандардын күндүн аптабында жасаган түйшүктүү эмгеги турганын унутпоо керек. Табият тартуулаган берекени баалап, жергиликтүү, сапаттуу жана табигый азыктарды көбүрөөк колдонуу сергек жашоонун негизги шарттарынын бири болуп саналат.

Даярдаган: Айжаркын Болотбекова.