Үч-Коргон: Жаш спортчулар ийгиликтерди багынтууда

Үч-Коргон айылында жайгашкан Пушкин орто мектебинде 2015-жылы мектеп директорунун сунушу менен таэквондо секциясы ачылган. Ага катышкан айылдын жаш тургундары эл аралык турнирлерде ийгиликтерди багынтууда.

Имамиддин Сарыбаев спорттун таэквондо түрү боюнча жаштарды машыктырып бир топ жылдардан бери иштеп келүүдө.

«Тажикистанда болуп өткөн таэквондо боюнча турнирлерде Үч-Коргон жаштары байгелүү орундарга ээ болуп жакшы жыйынтыктарды көрсөтүштү», — деп билдирди Сарыбаев.

Сарыбаев кошумчалагандай, март айында таэквондонун ВТФ түрү боюнча «Эң мыкты балдар жана өспүрүмдөр» ачык эл аралык турнирде Үч-Коргондун таэквондочулары Казакстан Республикасынын 25-жылдык эгемендүүлүгүнө арналган «DOSTAR» кубогуна жолдомо алышкан.

Эл аралык турнирге Юрсунов Шероз, Исмаилов Азиз жана 3- класстын окуучусу Абдукаримов Мухамед катышышып, алдыңкы орундарды ээлеп, турнир жеңүүчүлөрү болушту. Учурда алар Евразиялык турнирине даярданууда.

Дайрдаган: Сайёдбек Нусратуллаев

Сынак үчүн

КМ