Республиканын бардык мугалимдери үчүн китеп окуу сынагы өтөт

30 Март 2021 жыл 17:41

Көрүүлөрдүн саны: 3638

Мугалим чырпыктан чынар өстүрөт аталышындагы китептин негизинде мугалимдер үчүн сынак жарыяланды. Сынакты “ДЕМБЕР!” кыймылынын Bilimdar долбоору иштеп чыккан. Жеңүүчүлөргө автоунаа, ноутбук, смартфон жана 30 мугалимге Ысык-Көлгө жолдомо берилет.

Конкурс 2021-жылдын февраль айынан 30-апрелге айына чейин уланат. Ага катышууну каалагандар “Мугалим чырпыктан чынар өстүрөт” китебин сатып алып, NovaDeмy тиркемесин уюлдук телефонго көчүрөт. Андагы атайын форманы толтурууда китепте жашырылган сыр сөздү киргизүү аркылуу катталат. Ошондо сынакка катышууну каалаган мугалимдердин ар биринде китеп болуусу шарт. Сынак аталган китептин мазмуну боюнча тест алуу аркылуу жүргүзүлөт. Тест NovaDeмy тиркемеси аркылуу 2021-жылдын 1-майында саат 20.00дөн 21.00гө чейинки убакытта болот.

«Билимдар» долбоорунун уюштуруучусу Адилет Самсалиев аталган долбоор жаш мугалимдер тарабынан иштелип чыкканын билдирди. Анын алкагында бир топ иш-чаралар пландалган. Алардын алгачкысы мугалимдерге арналган китеп окуу сынагы:

“Китеп окуу сынагынын максаты мугалимдердин билимин өркүндөтүү аркылуу окуучулардын билимин бекемдөө, эркин, сынчыл ой жүгүрткөн, педагогикалык асыл идеяларды аздектеген, билимдүү коомду калыптандыруу болуп эсептелет. Учурда биз билимдүүлөрдүн заманында жашап жатканыбыз менен коомдо билимсиздер көбөйүп жатканына күбө болуп жатабыз. Бул китеп мугалимге шык, дем бере турчу алардын педагогикалык сезимин ойгото турчу китеп. Негизи эле мугалим китеп окуп турбаса өнүкпөйт. Ошол эле анын окуучулары дагы жетиштүү билим ала албай калышы толук мүмкүн.”

Китептин түзүүчүсү жана даярдаган педагогика илимдеринин доктору, доцент Кыялбек Акматов. Аталган китеп ичине 5 китепти камтырын айтат. Аларга дүйнөлүк котормолор ошондой эле өзүнүн калемине таандык эмгектери кирген:

“Учурда биздин мугалимдерге шыктануу жетишпей жатат. Анткени мектептеги окуучунун билим сапаты мугалимдин билиминен ашып түшпөйт деген сөз бар. Андыктан мугалим өзү окуп турушу керек. Мугалим ар дайым окуп турбаса мугалимдиктен калат. Биз бул китеп аркылуу республикада 8000дей мугалим бар алардын жок дегенде 1000инин көз карашын өзгөртө алсак алар мектептеги педагогикалык жамааткка таасир эте алат. Ал жамаат окуучуларга таасир этет ал эми окуучулар Кыргызстандык келечеги. Ошондуктан бизде азыр мугалимдерди өзгөртүү маселеси турат. Айлыкты көтөрүү, мектепттеги шартты жакшыртуу эмес, биринчи мугалимди өзгөртүш керек.”