Ак-Талаада 43 үй-бүлөгө 43 тонна көмүр таратылды

Ак-Талаа районунда  “Ак-Талаа көмүр» мамлекеттик ишканасы тарабынан   аз камсыз, шарты оор, жардамга муктаж үй-бүлөлөргө жана жалгыз бой  энелерге  1тоннадан көмүр таратылды.

Ишкананын жетекчиси Жолой Кубанычбековдун маалыматына ылайык, Баетов айылындагы көмүр базасынан жалпы 43 үй-бүлөгө көмүр таратылды. Жалпы 43 тонна көмүрдүн 22 тоннасы айыл өкмөттөргө тиешелүү муниципалдык ишканалардын техникалары менен жеткирилген. Калган 21 тоннасы Баетов жана Кайыңды-Булак айылдарындагы үй-бүлөлөргө берилген.

Бул жардам кыш мезгилинде калктын социалдык жактан аярлуу катмарын колдоого багытталган.

Даярдаган: Барчын Мамытбекова