Суусамырда эгин жыйноочу техникалардын тарифи бекитилди

Жайыл районуна караштуу Суусамыр айылында күзгү эгин жыйноо жана терүү иштеринин мезгили башталганына байланыштуу, айыл аймагындагы атайын техникалардын кызмат көрсөтүү тарифтери бекитилди.

Суусамыр айыл өкмөтү бекиткен тарифке ылайык:
комбайн — 1 гектарга 2000 сом жана 20 литр дизелдик күйүүчү май;
КамАЗ — 4000 сом;
ЗИЛ — 2000 сом;
ГАЗ-53 — 1500 сом.
Айыл өкмөттөн маалымдашкандай, көрсөтүлгөн баалар айдоо жеринин алыстыгына жана иштин татаалдыгына жараша өзгөрүшү мүмкүн.
Дыйкандардын айтымында, быйыл жаан-чачындын көп болушуна байланыштуу дан өсүмдүктөрүнүн түшүмү өткөн жылга салыштырмалуу жакшы болот деп күтүлүүдө.
Даярдаган: Айтурган Кубанычбековна.