Алиментти ата да алса болот

Алимент алуу укугу ата-эненин жынысына карабастан аткарылууга тийиш экени мыйзамда жазылган. Бирок иш жүзүндө энеси алимент алган учурлар көп кездешет. Анткени ажырашуудан кийин баланы багуу милдети көп учурда апасына берилет.

Биз көптөр үчүн кызыктуу жана актуалдуу үй-бүлөлүк теманы түшүнгүбүз келет — алимент. Алимент деген эмне? Алимент — бул бир адам (көбүнчө ата-эне) башка адамга (кадимки балага же мурунку жубайына) материалдык муктаждыктарын канааттандыруу үчүн төлөнүүчү мыйзамдуу төлөм. Алимент сот тарабынан көрсөтүлүшү же максималдуу баасына ылайык белгилениши мүмкүн. Алиментти баланы карап жаткан апасы болобу же атасыбы учурдагы аны өстүрүп жаткан адам ала алат. Белгилүү болгондой, алимент ата-эненин бирөө тарабынан баланын нормалдуу өнүгүүсү үчүн камсыздоо максатында берилет жана бул укук ата-эненин жынысына карабастан аткарылууга тийиш экенин Могол айыл өкмөтүнүн социалдык кызматкери Максат Осмоналиев белгилейт.

Могол айыл өкмөтүнүн социалдык кызматкери Максат Осмоналиев

Көптөгөн өлкөлөрдүн мыйзамдары аталарга да балдарына алимент алуу үчүн кайрылууга мүмкүнчүлүк берет. Эске салсак, алименттин негизги максаты баланын адекваттуу жашоо деңгээлин камсыз кылуу болуп саналат жана бул укук ата-эненин жынысына карабастан берилээрин эстен чыгарбоо зарыл.

Албетте, аталык колдоо алуу тартиби жергиликтүү мыйзамдарга жана эрежелерге жараша өзгөрүшү мүмкүн. Атасы өзүнүн финансылык мүмкүнчүлүктөрүн далилдеп, өтүнүчүн негиздеши керек. Бул кирешелер, чыгашалар жана милдеттенмелер жөнүндө маалыматты камтышы мүмкүн.

Мындан тышкары, алимент материалдык колдоо гана эмес экенин эстен чыгарбоо керек. Ал баланын келечегине кам көрүүнүн, аны нормалдуу тамактануусу, кийим-кечеси менен камсыз кылуу, билим берүү жана медициналык жардам көрсөтүүнүн жеткиликтүү болушу.

Алимент өндүрүү маселеси ата-эненин тең милдети. Жана, ар кандай кыйынчылыктарга жана шарттарга карабастан, баланын жыргалчылыгы ар дайым биринчи орунда экенин эстен чыгарбоо керек»,- дейт Максат Осмоналиев.

Гулназ Камбарали кызы