Учурда Түрция, Болгария жана Словакия өлкөлөрүнө мезгилдик жумуштарга иштеп келүүчү үчүн кабыл алуу жүрүп жатат. “Бест Чойс” компаниясынын аткаруучу директору Айтурган Сманалиеванын айтымында чет өлкөдө иштеп келүүну ар бир үчүнчү адам каалайт. Алдыда кантип чет өлкөдө сезондук жумуштарда иштеп келсе болот? Анын кандай артыкчылыктары бар жана эмнелер талап кылынары айтылат.
1. Чет өлкөгө барып иштөөнүн кандай артыкчылыктары бар?
1- Артыкчылыгы деп мен саякаттоо башка эл, жер көрүү деп эсептейт элем. Анткени башка жерге барып келген адам башкача көз караш менен, дүйнө таанымы кеңейип башкача болуп келет.
2- Материалдык жактан акча чогултуп келсе болот. Себеби ал жактан айлык акы дагы жогору жана жумуш берүүчү тарабынан жатакана, тамак аш бекер болгондуктан финансылык жактан өсүүгө жакшы болот.
2. Чет өлкөдө иштеп келгиси келген жарандардан эмне талап кылынат?
Талаптар иштөөчү багытына жараша ар түрдүү болот. Программаларга жараша белгиленген сумманы төлөө зарыл анын ичинде бардык биздин кызматтар билет баасы бардыгы кирет. Кайсы документтер керек экенин айтабыз справкаларды алып келиши керек. Ошондой эле соттолбогон болушу керек жана чет өлкөгө чыга турган паспорт керек болот.
3. Кимдер чет өлкөдө иштей алат?
18 жаштан жогору 50-55 жашка чейинки паспорту бар, өзүнө -өзү жооп бере ала турган, өз алдынча ой-жүгүртө алган адамдар иштегенге барса болот. Учурда бизде Болгария жана Турция мамлекеттерине мезгилдик жумуштарга кабыл алуулар жүрүп жатат. Ал жерлер курорттук аймак болгон үчүн мартта башталып октябрь, ноябрга чейин уланат. Ишке барчулар 3 айга, 5-6 айга келишим түзүп барып иштеп келсе болот.
4. Чет өлкөгө өзгөчө биринчи ирет барып жаткандар кантип даярдык көрүп, эмнелерди эске алуулары керек?
Биринчи жолу барып жаткандар абдан ойлонуп, толкунданышат. Жаш балдарды болсо ата-энелери кошо тынчсызданышат. Бул тескерисинче бала үчүн пайдалуу деп ойлойм жоопкерчиликтүү жана өз алдынча болгонго үйрөнө алышат. Анан дагы чет өлкөнү жомоктогудай элестетип алган туура эмес. Ар кандай кырдаалдар болуп калуусу мүмкүн. Эң негизгиси сиз ал жерге иштегени бара жатканыңызды эстен чыгарбашыңыз керек. Албетте бардык нерсе адамдын өзүнөн көз каранды. Иш убактысы бүткөндө ал өлкөдө саякаттап, эс алса дагы болот.
5. Сиздердин иш тажрыйбаңыздарда кимдер чет өлкөгө барып иштеп келгенге кызыктар?
Ар бир 3-4-адам чет өлкөгө кеткиси келет. Балким бул экономикалык туруксуздуктан жана айлык акынын төмөндүгүнө байланыштуубу. Айтор чет өлкөгө барып иштеп келүүгө калктын бардык катмарындагылар кызыгат деп айтсам болот. Мамлекеттик кызматта иштегендер дагы келишет бизге. Иш тажрыйбада 23 жаштан жогору 45 жашка чейинки ишке жарамдуулар көбүрөөк кетишет. Бирок, 50 жаштан жогорку мурда иштеп жүрүп жумуштан кеткен пенсия курагындагылар көп кайрылат
Бул материалдарды дагы окууну сунуштайбыз:
Аары болуу бул жашоодогу негизги милдетибиз деп түшүнөлү
Балага утуу, жеңишке жетүү сезимдерин топтогонго жардам бериш керек