Долбоор: «Эрте нике эселек курактын зомбулугу»

Нарын районуна караштуу Куланак айылында Гендердик маалымат борбору ассоциациясы жана «Теңдик нуру» демилгесинин колдоосу менен «Эрте нике эселек курактын зомбулугу» долбоорунун алкагында жергиликтүү депутаттар уюштурган дебат оюну өттү.

Окуучулардан 4 топ чыгып, 2 топтон бири-бирине каршы чыгышты. Биринчи палата «Ала качуу бул — салт жана туура» деген ойдо болсо, экинчи палата»Ала качуу бул — кылмыш» позициясын кармаган.

Биринчиден эки жактан тең ачуучу өкмөт оюн көрсөттү. Кийин жабуучу өкмөттөр улантты. Бир палатадан «Ала качуудан кийин бактылуу үй — бүлөө кургандардан толтура мисал бар»,-десе, экинчи тарап «Ала качуу бул — кылмыш!»,- деп мыйзамдарга, адамдык укуктарга таянып жатышты.

Узак «дискуссиядан» соң, Феникс командасы I орунду багындырды. Кызыктыруучу белектер берилип, грамоталар менен сыйланышты.

«Мурун дебаттарга кызыкчу эмесмин, азыр көрүп аябай таасирлендим. Буюрса команда түзүп, мен да ойнонуу көздөйм»-деп билдирди атын атагысы келбеген көрүүчү.

Бул долбоордун алкагында буга чейин «Эрте нике — эселек курактын зомбулугу» аталышындагы семинар тренинг, тегерек стол өткөн. Азыркы учурда «Зомбулук — жан дүйнөнүн жарасы»(дил баян), «Зомбулуксуз келечек» (сүрөт) сынагы өтүп жатат. Бул долбоор «Кыз адеби — кымбат» (энелер — кыздар арасындагы мелдеш)спорттук иш- чарадан кийин жыйынтыктайт.

Даткайым Орозакунова