Күндүз келип шахмат ойноп, кан басымын ченетип, сүйлөшүп, баарлашып кетип туруучу аксакалдардын клубу ачылды.
1-октябрь Эл аралык карылар күнү Ат-Башы районунун Ат-Башы айылында «Кызыл жарым ай» коомунун колдоосунда аксакалдар клубу ачылып, айылдагы 45 улуу муундагы адамдар чакырылып, майрамдык маанай тартууланып, белектер берилди.
«Бул клубдун негизги максаты айылдагы аксакалдардын ден-соолугуна кам көрүү. Алдыда ал жерге келгендерге ысык тамак уюштуруп берип, акырындык менен машыгуу залы менен чуркоочу жолдордорду жасоого долбоор жазып алсакпы деп пландап жатабыз»,-дейт долбоордун уюштуруучулары.
Ал эми райондун калган айылдарындагы карыялар айыл өкмөтү тарабынан куттукталып, аларга чакан белектер тапшырылды.
Бул жылы Нарын облустук ыйгарым укуктуу өкүлү Эмилбек Адымкуловдун белегине Ат-Башы районунан 2 карыянын тизмеси берилген.
Мындай майрамдык куттуктоо жыл сайын Ат-Башы райондук мамлекеттик администрациясы жана жалпы айыл өкмөттөр тарабынан өткөрүлүп келет.
Жалпы Ат-Башы району боюнча 1811 улгайган адам бар болсо, алардын ичинен 3 карыя 100 жаштан ашкан.
Ат-Башы: Ак-муз айылында техникалык кызмат көрсөтүүчү ишкана ачылды
Асель Уркунбаева