Баетов: Көркөм окуу боюнча сынак өттү

Ш.Бейшеналиев атындагы орто мектебинде Улуу Жеңиштин 70 жылдыгына карата жарыяланган 2 айлык жүрүштүн алкагында көркөм окуу боюнча сынак өттү. Окуучулар арасында өтүп жаткан бул сынакка 27 окуучу катышып, өздөрүн сынап көрүштү.

Атайын түзүлгөн калыстар курамы окуучунун ырды көркөм окуу жөндөмүнө, дикциясына, үн кубултуп окуусуна көңүл бурушту. Жыйынтыгында Замирбек кызы Ханзаада, Бараканова Билимкан, Жылдызбек кызы Жакут мыкты деп табылды. Эми аталган окуучулар көркөм окуу боюнча облустук турга катышышат.

Даярдаган: Б. Мамытбекова