Жанылыктар, кызыктуу видео, фотолорду бизге жөнөтүңүз WhatsApp 0555402155

Карточка: Эмне үчүн IT тармагында билим алуу керек?

12 Май 2020 жыл 17:40

Көрүүлөрдүн саны: 5244

Технологиялар доорунда кесиптер ар эки жылда жаңыланууга туура келүүдө. Бүгүн дүң болуп жаткан IT нин келечеги кандай? Сиз бул тармакта билим алып, дипломуңузду колго алганча, кесип коомдо актуалдуулугун жоготпойбу?

1. Эмне үчүн IT?
2.Программист жана IT. Айырмасы эмне?
3.Программист деген ким?
4. Жумушта программист эмне кылат?
5. Кайсы жерде окуу керек? Университет же кыска мөөнөттүү курс?
6. IT адистеринин бир айлык маянасы миллионду чапчыйт деген чынбы?

1.
Эмне үчүн IT?
Бүгүнкү күндө IT тармагындагы адистерге болгон суроо талап күн сайын өсүп бара жатандыгы белгилүү. Көпчүлүк жумуштар санариптешүүгө өтүп, технологиялар коомдо басымдуу роль ойноп жаткандыктан, бул кесиптин алдыңкы 10 жылда келечеги кең. Онлайн иштөө мүмкүнчүлүгү, айлык акынын жогору экендиги, иш орундарынын көптүгү — бүгүнкү күндө бул кесиптин актуалдуулугун арттырып келет. Ал эми компаниялар эң алгач квалификациясы жогору, бир канча программалоо тилин билген адисти жумушка алууну көздөшөт.

2.
Программист жана IT. Айырмасы эмне?
Эгер сиз программистти компьютер адамы деп ойлосоңуз, анда жаңылышасыз. Таң калыштуусу, программист сөзсүз түрдө компьютерде иштебейт. Ал программа кодун кагазга да жаза алат жана бул кодду колдонуп, сынап көрүү үчүн ага компьютер керек. Ошондой эле, программистти IT адиси менен теңдештирүүнүн кажети жок. “IT адиси” — жалпы аталыш. Анын ичинде IT тармагындагы 50дөн ашык кесип ээлери бар. Ал эми программист IT деген жалпыланган тармактын бир гана бөлүгү.

3.
Программист деген ким?
Программист — бул программанын баштапкы кодун түзүүчү адис. Мындай программа компьютердин иштөө тутуму, видео оюну, веб же мобилдик тиркеме, ал тургай микротолкундуу иштөө алгоритми болушу мүмкүн. Программанын коду атайын программалоо тилинде жазылган. Ал жөнөкөй сөздөрдөн жана айрым өзгөчө белгилерден турат. Бүгүнкү күндө бир нече жүздөй программалоо тилдери бар, бирок алардын ичинен эң кеңири таралышы Java, Python, PHP, C #, JavaScript, C, C ++, Objective-C, Swift. Кайсы программалоо тилин тандаш керек, программист конкреттүү тапшырмага (оюн жасоо, желе үчүн тиркеме же сервер үчүн программа) жана билимине жараша өзү чечет. Квалификациялуу программист 2-4 тилди ишенимдүү колдонот

4.
Жумушта программист эмне кылат?
Код жазат, тест жүргүзөт, текшерет, кодду кайра жазат… Кодировкалоонун жыйынтыгы — ар кандай максаттагы жумуш программасы болуп саналат. Кээ бир программисттер оюндарды түзүшөт. Башкалары роботторду программалашат. Дагы башкалары пайдалуу Android колдонмосун жасашат. Төртүнчүсү, дүйнөлүк авиакомпаниялардын бардык билеттерин бириктирип, бир сервиске жайгаштырат. Продукция туура иштей баштаганда, жыгачтан тирүү баланы жаратып алган жомок сыяктуу өз ишинен каниет алат.

5.
Кайсы жерде окуу керек? Университет же кыска мөөнөттүү курс?
Акыркы жылдары IT тармагында билим берүүнү көпчүлүк окуу жайлар колго алууда. Муну менен катары Кыргызстанда эле ондогон курсттар ачылды. Бирок, университетте 5 жыл билим алуу керекпи же 6 айда эле курсттардан окуп, иштеп кетсе болобу деген суроо туулат. Ал эми IT тармагындагы көпчүлүк адистер, эгер мүмкүнчүлүк болсо университетте билим алууну жана ар дайым изденүүнү сунушташат. Анткени, IT шар аккан суу сымал күн сайын жаңычылыкка туш келүүдө. Муну менен катар кардарлардын суроо талабы да ар күн сайын жаңыланып, өсүп турат.
Ал эми кыска убакыттык курсттар – башка кесиптин ээси, же эртеден кечке университетте окууга убактым жок деген адамдар үчүн ыңгайлуу. Анткени, 25 жаштан өткөн адамдын мүмкүнчүлүктөрү 18 жаштагы кыз-жигиттерге караганда чектелүү болот эмеспи.

6.
IT адистеринин бир айлык маянасы миллионду чапчыйт деген чынбы?
Ооба. Бул тармактагы айлык акы 500 — 65 миң АКШ долларына чейин жетет. Маянанын жогору болуусу адистигинен, квалификациясынан, эмгектенген компаниядан жана өлкөдөн түздөн-түз көз каранды. Дагы бир өзгөчөлүк, көптөгөн кесипкөйлөр улам жаңы программалоо тилин өздөштүрүүгө аракет кылышат. Канчалык көп программалоо тилин билсеңиз, айлыгыңыз ошончо жогору болот. Эгерде компанияда карьералык өсүү болсо, анда өзүн иште ийгликтүү көрсөтө алган адис, жетекчиликке чейин көтөрүлө алат. Ошондой эле көпчүлүк адистер фрилансер боло алышат.
Эң аз акы төлөнүүчү жумуштар: junior — иштеп чыгуучулар. Алар бул тармакта билим алып жаткандар. Эмгек рыногунда эң көп маянаны — программалык камсыздоонун архитекторлору жана тутум инженерлери алат. Алар продукцияга же долбоорго толугу менен жооп берет.

Касиет Кубанычбек кызы

5 244

Теги:

<< Мындан мурунку макала

Мындан кийинки макала >>

Пикир калтыруу Отменить ответ

Ишенби
13 Кулжа 2026

Жамааттык Медиа COVID-19 га каршы

Сурамжылоо

Загрузка ...

Башка сурамжылоолор

Ишенби
13 Кулжа 2026

Жамааттык Медиа COVID-19 га каршы

Сурамжылоо

Загрузка ...

Башка сурамжылоолор