Кочкор: Ормон Хан айыл аймагынан Элдик курултайга үч делегат шайланды

Кочкор районундагы Ормон Хан айыл аймагынан Кыргыз Республикасынын V Элдик курултайына делегаттарды шайлоо боюнча жыйын өттү. Жыйын Кочкор айылындагы «Чолпон» кинотеатрында уюштурулуп, ага 82 өкүл катышты. Жыйынды Ормон Хан айылдык Кеңешинин төрагасы Рыскелди Жолдошбеков алып барды.

V Элдик курултайга делегаттыкка сегиз талапкер көрсөтүлдү. Алар өздөрүн тааныштырып, курултайда көтөрүүнү пландаган маселелер тууралуу кыскача маалымат беришти.

Добуш берүүнүн жыйынтыгында талапкерлер төмөнкүдөй добуш алышты:

Мирлан Кыдырбаев — 33 добуш;

Амантай Тургунбек уулу — 32 добуш;

Анаркүл Исраилова — 31 добуш;

Алымбек Самаков — 22 добуш;

Зинаида Эсенбекова — 21 добуш;

Бакыт Сламов — 20 добуш;

Талантбек Сөңколов — 19 добуш;

Нурипа Исакова — 16 добуш.



Жыйынтыгында Мирлан Кыдырбаев, Амантай Тургунбек уулу жана Анаркүл Исраилова V Элдик курултайга делегат болуп шайланды. Калган беш талапкер резервдик өкүлдөр катары катталды.

Кыргыз Республикасынын V Элдик курултайы 2026-жылдын 18-декабрында Бишкек шаарында өтөт. Ага өлкөнүн аймактарынан жана чет өлкөлөрдө жашаган мигранттардын арасынан жалпы 700 делегаттын катышуусу күтүлүүдө.

Даярдаган:Бакыт Кожокматов