Куланак: Окуучулар отчёттук концерт беришти

Нарын районунун Куланак айылындагы Абдылда Аралбаев орто мектебинде 19-20-май күндөрү 4-а жана б класстары бүтүрүү кечесин өткөрүштү. Бул иш-чарага окуучулардын ата-энелери жана мугалимдери күбө болушту.

Бул тууралуу 4-а классынын класс жетекчиси Рима Базарбаева буларга токтолду.

«Бул классты мен 1-классынан бери окутуп келем. Буюрса бүтүрүү кечеси мен ойлогондой болду, мага жакты. Жакшы өттү деп ойлойм. Балдардын сүйүнүчү койнуна батпай маанайлары абдан жакшы болду», — деп билдирди Базарбаева.

Ал эми 4-б классынын класс жетексиси Керез Оржоева коюлган кеченин сценарийи тууралуу мындай дейт.

«Президентибиз Алмазбек Атамбаев 2016-жылды “Тарых жана маданият жылы” деп белгилегенине байланыштуу, үркүндөн ушул мезгилге чейинки доорду чагылдырдык”, – дейт Оржоева.

Окуучулар өнөрлөрүн түрдүү багыт менен көрсөтүштү.

Замир уулу Бегаалынын чоң энеси Дина Абдыкалыкова кече мыкты деңгээлде өткөндүгүн баяндап, төмөндөгүлөрдү айтып берди.

«Бүгүнкү бүтүрүү кечеси аябай жакшы болду. Колунан келген өнөрлөрүн көргөзүштү, мугалими да жакшы даярдаптыр. Баарыбыздын маанайыбыз жакшы болду. Балдарыбыздын өнөрүн көрүп турган жакшы да», — дейт ал.

Авторлор: Медина Сарбагыш кызы, Дилде Шатан кызы

Редактору: Самара Рыскелдиева

Сынак үчүн