Кылмыштуулукту жана зомбулукту алдын алуу максатында кышкы оюндар

Тогуз- Торо районунун Сары- Булуң айылындагы №7 Т.Сатыбалдиев орто мектебинде «Чилденин чилтендери» аталышындагы кышкы эстафета өткөрүлдү.

Бул тууралуу мектеп парламентинин мүчөсү Айгерим Баетова билдирди: «Эстафетага 8-9-10-класстарынын окуучулары катышышкан. Оюндун жүрүшү 4 тапшырмадан турган:

Аркан тартышуу, кызды чанага салып, тоскоолдуктардан сүйрөп өтүү, баштыкчаларды кийип алып тоскоолдуктардан сүйрөп өтүү, баштыкчаларды кийип алып тоскоолдуктарды аралап секирүү, команда менен биргеликте тоскоолдуктардан өтүү. Жеңүүчү командаларга грамота жана таттуулар тапшырылган.»

Т.Сатыбалдиев орто мектебинде буга чейин да кышкы эстафеталар өткөрүлүп келген.

Даярдаган: Нуриза Рыскулова