Сарык оорусунан сактаналы!

Терек-Суу айылынын тургундары ноябрь айында сарык оорусу менен жабыркады. Бул оору боюнча Терек-Суу айылындагы №6 тобунун үй-бүлөлүк дарыгери Калия Дөөлөтказиеванын айтымында бул тумоо менен  көбүнчө жаш балдар ооруп жатат. Мектепке чейинки бала бакчага барган балдар да кезигип жатат. 

Бул жугуштуу оору көбүнчө өздүк гигиенаны сактабагандан болот.
Мисалы, дааратканага баргандан кийин колду жууш керек.
Алдын алуусун көбүнчө өздүк гигиенаны сактап, дааратканага баргандан кийин колду таза самындап жууп, мөмө-жемиштерди таза жууп, идиш-аякты таза пайдаланууга балдарды үйрөтүш керек.

Сарык оорусу менен жабыркаган 5-класстын окучуусу Бермет Тураалы кызы кабарчыбыз Айчүрөк Нурбек кызына төмөнкүлөрдү айтып берди.

Мен бул оору менен көзүм саргайганынан чон апам көрүп калып, бери келчи деп көзүмдү караган. Сарык болуп калганымды ошондо билдим. Чон апам ооруканага алып барган. 5-6 кун ооруканадан эмдөө алгам.  Айыкпаганынан Токтогулга барып бир байкеге көрсөткөн, андан жакшы болуп кеткем. Бул оору мага кошуна баладан аба аркылуу жуккан. Мен ооруп жатканда башым ооруп, жүрөгүм айланып, кускум келип баса албай калгам. Басканда боорум ооруп кыйналгам.

Биринчи байлык ден-соолук демекчи,  ар бир жаранга ден-соолугу чың, күчтүү болуу үчүн ар бирибиз тазалыкты сактайлы.

Даярдагандар: Адина Байсалбекова, Айчүрөк Нурбек кызы, Кымбат Раманкулова.