“Ак Мөөр-2015” сулуулар сынагына Баетовдон төрт кыз катышат

1-августа Соң-Көл жайлоосунда  Манас фестивалынын алкагында “Ак Мөөр-2015” сулуулар сынагы өтөт. Мына ушуга  байланыштуу Ак-Талаа  райондук маданият үйүндө  сулуулар сынагынын тандоо туру  өттү.

Сынакка райондун аймагынан 6 кыз катышып, атайын белгиленген тапшырмалар боюнча күч сынашты.

Cынактын жүрүшүндө калыстар тобу иштеп,кыздардын сахнада алып жүрүү, өзүн тааныштыруу, ырдоо, бийлөө  маданияты боюнча сындан  өткөрүштү. Кыздар айрым тапшырмаларды аткарууда даяр эмес экендиктерин көрсөтүштү.

Жыйынтыгында  4 кыз Эсенгелди кызы Нуриза, Узак кызы Турсунай, Жаныбек кызы Нурия  жана Адылбекова Кайыргүл  сынактын  Соң-Көл жайлоосунда өтүүчү туруна жолдомо алышты. Алар сынакта Ак-Талаа районунун намысын коргошот. Ошол себептүү айылдык клубдун жетекчилерине катышуучу кыздарды сынакка даярдоо жагы тапшырылды.

Даярдаган:  Г.Мамытбекова