Тогуз-Торо районунда Бирдиктүү салык декларациясын кабыл алуу башталды

Мамлекеттик салык кызматынын Тогуз-Торо району боюнча башкармалыгы 2025-жылдын жыйынтыгы боюнча Бирдиктүү салык декларациясын (БСД) кабыл алуу башталганын маалымдайт.


Маалыматка ылайык, декларация тапшыруу мөөнөттөрү төмөнкүдөй белгиленди.

2026-жылдын 1-апрелине чейин тапшырылат:

• • • Кыргыз Республикасынын уюмдары (айрым бюджеттик уюмдардан тышкары);
    • Кыргыз Республикасынын аймагында туруктуу мекеме аркылуу иш жүргүзгөн чет өлкөлүк уюмдар;
      мамлекеттик жана муниципалдык кызматкерлер;
    • Борбордук шайлоо комиссиясынын, Сот адилеттиги боюнча кеңештин жана Улуттук банктын башкармалыгынын мүчөлөрү;
    • мамлекеттик үлүшү бар уюмдардын жетекчилери жана алардын орун басарлары.

2026-жылдын 1-майына чейин тапшырылат:

• жеке ишкерлер (айрым салык режимдерин колдонгондордон тышкары);
• эл аралык уюмдарда жана чет өлкөлөрдүн дипломатиялык мекемелеринде иштеген Кыргыз Республикасынын жарандары;
• киреше салыгы кармалбаган киреше алган жеке жактар.

 
Тапшыруу тартиби:
Бирдиктүү салык декларациясы электрондук түрдө салык төлөөчүнүн жеке кабинети аркылуу тапшырылат:
cabinet.salyk.kg
Ошондой эле милдеттүү декларациялоого кирбеген жарандар БСДны ыктыярдуу түрдө, анын ичинде мурда кармалган киреше салыгын кайтарып алуу максатында да тапшыра алышат.

Кошумча маалыматты төмөнкү байланыш номерлери аркылуу алууга болот:
5-02-72, 5-00-97, ошондой эле 116 кыска номери.
Мындан тышкары, маалыматтар Мамлекеттик салык кызматынын расмий сайтында жайгаштырылган:
www.sti.gov.kg

Даярдаган: Анара Мааметова