Өнөктөштүк жана жарандарды социалдык-экологиялык колдоо практикасы

13-май күнү Бишкек шаарында “Адилетүүлүккө миониторинг” долбоорунун алкагында “Өнөктөштүк жана жарандарды социалдык-экологиялык колдоо практикасы” боюнча тренинг өткөрүлүүдө. Аталган иш-чарага бейөкмөт уюмдары, жарандык коом, саясий кызыкдар тараптар, жергиликтүү бийлик органдары, жаштар жана ЖМК өкүлдөрү катышууда.
Учурда бул долбоор Кыргызстанда жарандарга социалдык-экологиялык колдоо көрсөтүү маселелери боюнча коомдук мониторинг жүргүзүүгө конкурс жарыялады.

Семинардын катышуучулары

Жаңы-Жер жамааттык медиасынын жетекчиси, семинардын катышуучусу Турсун Омуралиева

Айта кетсек, Европа Биримдиги тарабынан каржыланган «Адилеттүүлүккө мониторинг» долбоору Конрад Аденауэр атындагы фонд жетектеген жана Макс Планктын эл аралык тынчтык жана укук үстөмдүгү үчүн фонду, “БИОМ” ЭК жана “Алга” аялдар ассоциациясы менен кызматташтыкта болгон консорциум тарабынан жүзөгө ашырылууда.

Ал эми бул конкурстун максаты: ТӨМ контекстинде калкты социалдык-экологиялык колдоого коомдук мониторинг жүргүзүү боюнча жарандык демилгелерди төмөнкү тематикалык багыттарда колдоо:

• Жарандарга, анын ичинде майыптыгы бар адамдарга жана башка аялуу топтогуларга социалдык колдоо көрсөтүү жана коргоо; эне менен баланы коргоо;
• Жарандардын саламаттыгын коргоо жана жашоонун сергек мүнөзүн жайылтуу;
• Өсүмдүктөр жана жаныбарлар дүйнөсүн, климатты коргоо ж.б сыяктуу маселелерди камтыйт.

Турсун Омуралиева