Жүрөк кан тамыр ооруларын алдын алуу клубу ишин улантууда

3 Декабрь 2014 жыл 15:38

Көрүүлөрдүн саны: 407

20141114_153123 - копия

Ак-Талаа райондук үй-бүлөлүк медицина борборунда жүрөк кан тамыр ооруларын алдын алуу клубу ачылып иш алып барып жатканына аз убакыт болду. Клубдун мүчөлөрү айына бир жолу жолугушуу өткөрүп турушат.

Үй-бүлөлүк медицина борборунун кардиолог дарыгери Мамашарипов Райымберди: “Башка облустарга салыштырмалуу Нарын областында жүрөк кан-тамыр оорусу менен жабыркагандар абдан көп. Ошондуктан бул клуб абдан керек. Негизги максат элдин ден-соолугун чыңдоо жана көйгөйдүн бири болгон жүрөк кан тамыр ооруларын өтүшүп кетпеши үчүн алдын алуу иштерин жүргүзөбүз. Чынын айтканда өткөн жолугушуубузда 15тей адам болчу. Мүчөсүн чектөөнүн кажети жок, ким кааласа, ушул оорулар боюнча маалымат алам десе келе берсе болот. Келген адамдын баарысын биз клубдун мүчөсү деп кабыл алабыз” дейт.