Жаны-Жерде окуучулар карантинге карата аралыктан окушат

Сокулук районуна караштуу Жаны-Жер айылындагы Жаны-Жер орто мектеп-комплексинде окуучулар кайрадан  аралыктан окуу режимине өтүштү. Буга себеп 3-апрель күнү мектепте  8-класстагы окуучу кыздын энеси COVID-19 илдетин жуктургандыгы  аныкталган. Айылда оорунун күч алып кетүү коркунучунун алдын алуу үчүн мектеп эки жумалык карантинге жабылды.

Жаңы-Жер орто мектеп-комплекси

Жаңы-Жер орто мектеп-комплексинде 2000ге жакын окуучу окуйт. Өткөн жылы 16-мартта карантинге тарагандан бери окуучулар быйылкы жылы 11-январда салттуу түрдө билим ала башташкан.

Жаңы-Жер орто мектеп-комплексинин директору Меделкан Шеримбеков

“Мектепте санитардык талаптар так аткарылып окуучулар жана мугалимдер маскасыз жүрүүчү эмес. Бизге маалыматты райондон телефон аркылуу билдиришти. Учурда үй-бүлө мүчөлөрү менен байланышта болгон жана мектептеги сабак берген мугалим окуучулардын тизмеси такталып COVID-19 га карата анализ алуу пландалууда”,- деп билдирди мектеп директору Меделкан Шеримбеков.

Учурда класстагы окуучуларга түшүндүрүү иштерин жүргүзүп жаткан  8-класстын класс жетекчиси Кайыргүл Нурланбек кызы

Ал эми 8-класстын класс жетекчиси Кайыргүл Нурланбек кызы менен телефон аркылуу байланышканда төмөнкүчө жооп берди:
«Мен COVID-19 илдетин жуктуруп алган адамдын кызы менин классымда окуйт. Классымдагы окуучулардан ооруган же дене табы көтөрүлгөндөрүн байкаган жокмун. Мен өзүм дагы жакшы элемин. Бирок ошого карабай өзүмдү- өзүм башка адамдардан оолак болууну чечтим. Оорунун жайылып кетүү коркунучу бар болгондуктан окуучуларга дагы айтып түшүндүруп жатам. Мен үчүн айылдаштарымдын ден-соолугу маанилүү».

Сасык тумоодон жаш балдарды коргойлу
Бегимай Кубанычбек кызы