Сасык тумоодон сактаналы

Дөбөлү айылынын ФАП кызматкери мед айым  Гулзат Бакеевадан,  учурда курч жүрүп жаткан сасык тумоодон сактануу боюнча пайдалуу кеңештер

🩺 Айылдагы ФАП медайымы эскертет: Грипп — жеңил оору эмес!*

Күз-кыш айлары кирип келгенде, күч алган сасык тумоодон сактануу боюнча пайдалуу кеңештерди сунуштайбыз.

*Грипп деген эмне?*

Бул — аба аркылуу бат жугуучу жугуштуу вирус. Башкы белгилери: жогорку температура, жөтөл, мурун бүтүшү, алсыздык жана баш оору. Айрым учурда бул белгилер суук тийүүгө окшошуп кетет, бирок грипп көбүрөөк күчтүү жана кооптуу болот.

*Грипп качан көп кездешет?*

Оору негизинен күз жана кыш мезгилинде тарайт. Айрыкча суук, шамалдуу күндөрдө эл арасында бат жайылат.

*Кимдерге өзгөчө коркунучтуу?*

— Балдар (айрыкча жаш курактагы)

— Кош бойлуу айымдар

— Улгайган адамдар

— Өнөкөт оорулары барлар

*Грипптен кантип сактанабыз?*

✅ Эң негизги алдын алуу — убагында эмдөө алуу

✅ Колду таза жууп туруу

✅ Маска тагынуу

✅ Эл көп чогулган жерлерден оолак болуу

✅ Үйдү таза кармоо, желдетип туруу

*Дарылоо тууралуу:*

Эл арасында бал, лимон, сарымсак сыяктуу ыкмалар колдонулат. Бирок оорунун белгилери башталса — *өз алдынча дарыланбай*, ФАПка кайрылуу зарыл!

💬 Медайымдардын кеңеши:*

«Грипп жеңил көрүнгөнү менен кооптуу. Өз убагында кайрылып, алдын алуу чараларын көрүү — эң туура чечим!»

Даткайым Кубандыкова