2024 -жылы Терек-Суу айылында жаңы мектеп куруу пландалууда

Жалал-Абад облусунун Токтогул районундагы Курама уулу Турусбек атындагы башталгыч класстардын окуу имараты авариялык абалга түшүп калганына байланыштуу азыр балдар аргасыз жогорку класстардын имаратында окуп жатышат. 1976-жылы колдонулууга берилген мектеп 510 окуучуга ылайыкталган, учурда 928 окуучу билим алууда.

Башталгыч класстын авариялык абалда турган мектеп имараты

Терек-Суу айылынын тургуну Айгүл Сейдалиеванын 3 баласы мектепте окуйт. Учурда балдарга класстар жетишпей жаткандыктан коридорлорго класстар уланып, учурда 3 кезекте (смена) окуп жатышканын билдирди:

“Азыр балдар кабинет жетишпей 3 сменде окуп жатат. Кичинекей корпустагы балдар чон корпуска барып окушууда. Ызы чуу, тыгылыш болуп класстар жетишпей коридорго да кабинеттер уланып жатат. Окуучулардын саны дагы көп бир класста эле 30-35 окуучу окуп жатат. Азыркы балдарым окуп жаткан мектептин шарттары өтө жаман эмес жакшы эле бирок, жаңы мектеп салынса жакшы болмок”.

Терек-Суу айылынын тургуну Айгүл Сейдалиева

Бул көйгөйдү чечүү үчүн мектеп имаратынын долбоору облуста каралды. Курама уулу Турусбек атындагы жалпы орто билим берүү мектебинин директору Дөөлөтбек Кожомуратов мектептин курулушу республикалык бюджеттен каржыланарын жана ал 100 млн сомду түзөөрүн кошумчалады.
«Жаңы мектеп куруу боюнча аракет кылып жатабыз, мектептин сметасы түзүлгөн. Смета жергиликтүү администрациясына, айыл өкмөтүнө жөнөтүлгөн. Буйруса келээрки окуу жылында башталат деген үмүттө турабыз. Смета проектиси облустан жасалып, планга кирген”.

Курама уулу Турусбек атындагы жалпы орто билим берүү мектебинин директору Дөөлөтбек Кожомуратов

Жаңы курула турган мектеп 275 орунга ылайыкталат. Анда негизинен лабороториялык кабинет, компьютердик класс ошондой эле ашкана, актовый зал сыяктуу бардык талаптар менен куруу пландалууда. Белгилей кетсек, учурда окуучулар билим алып жаткан мектеп 1976-жылы колдонууга берилген. Ал 510 окуучуга ылайык салынган. азыркы мезгилде 928 окуучу окуп жатабыз.

Асема Жумаказиева, Аделя Бакытбекова