Ишкер айым Назгүл Сатаеванын ишмердиги окуучуларга тааныштырылды

Кесип тандоодо көпчүлүгү сыртка чыгып иштөөнү тандашат. Алардын көбү жогорку билим албай эле күнүмдүк жумушта иштеп акча тапса болот деген түшүнүктө жашашат. Бирок, чет жака билим издеп же алган билиминин негизинде ишкердик кылам дегендер да бар. 

Соң-Көл жамааттык мультимедиа борборунун жетекчиси Бурул Майрамбек кызы «Германия билимдүүлөрдү баалайт» материалынын негизинде даярдаган Германиядагы ишкер айым Назгүл Сатаева тууралуу 9-10-11-класстын окуучуларына  семинар-сабак өткөрдү. Анда Назгүл Сатаеванын ишмердиги Кыргызстанда башталып кийин Германияда кантип  уланганы тууралуу айтылды.  Анын жасаган иштери окуучуларга стимул болуп, алардын айрымдарынын оюн да өзгөрткөн.

Семинар-сабакка 30дан окуучу катышып, алар Назгүл Сатаеванын ишмердигинен сырткары Германияда канча кыргыз мигрант бар, алар кандай кызматта иштешет жана башка ушул өндүү суроолорго жооп ала алышты. Семинар-сабакка катышкан айрым окуучулар өздөрүнүн ойлору өзгөргөнүн жашырышкан жок.

Хадижа Төлөбалдиева