КРнын Министрлер кабинетинин №309-токтому жана асыл тукум, үрөнчүлүк чарба, жайыт жерлерди натыйжалуу пайдаланууну трансформациялоо боюнча окутуучу атайын жумушчу топ Ак-Талаа районундагы жергиликтүү бийлик өкүлдөрү, айыл чарба кызматкерлери, фермерлер, үрөнчүлүк чарбалардын жетекчилери, айыл өкмөт башчылары менен окутуу өткөрдү.
Кыргыз Республикасынын Айыл чарба министрлигине караштуу жерди жана сууну көзөмөлдөө боюнча кызматынын директору Айнур Кенжебаеванын маалыматына караганда жумушчу топ республиканын бардык аймактарында болуп, министрликте жүргүзулүп жаткан реформалар тууралуу маалыматтар беришүүдө.
Андан соң окутуунун катышуучуларын №309 токтом, 6% насыя, күрөөгө коюлуучу турак-жайлардын арзандыгы, аймакка бөлүнгөн каражат кабадар кылды.
Окутуу насыя, жер, суу, жайыт маселелери боюнча суроо-жооп менен уланды. Фермерлер жана айыл өкмөт башчылары насыя алуудагы кыйынчылыктар, “кара тизме”, кезекке туруу өңдүү маселелерди көтөрүштү. Айтылган маселелерге тиешелүү кызматтардын өкүлдөрү жооп беришти.
Быйыл биринчи жолу дыйкан фермерлерге 6% насыя берилди. Төиөнкү пайыз менен берилип жаткан бул насыяны алуунун каалагандар өтө көп болгону менен “кара тизме” бир топ кыйынчылыктарды жаратты -дейт Айнур Кенжебаева. Ал эми «Айыл банк» ААКунн Ак-Талаа райондук регионалдык бөлүмүнүн менеджери Жаныл Мамытбекова тобокелчилиги жогору кардарларга насыя берүү үчүн жогору жактан бир негиз (основание) болуш керек дейт.
Барчын Мамытбекова