Сүрөтбаян: Акталаада «Манас, маданият жана туризм» фестивалы өттү

Ак-Талаа районундагы Соң-Көл жайлоосунда “Манас, маданият жана туризм” фестивалы жетинчи ирет өткөрүлдү. Фестиваль кыргыз элинин каада-салтын, маданиятын, улуттук кийимин жана тамак-ашын, “Манас” эпосун даңазалоо жана туризмди өнүктүрүү максатында уюштурулуп, ага жергиликтүү жана облустагы райондордун, Нарын шаардык бийлик өкүлдөрү, тургундар жана чет өлкөлүк туристтер катышты.

Фестивалга маданият үйүнүн өнөрпоздору катышты

«Асылзат» шайыр апалар тобу

Жергиликтүү жана облустагы райондордун бийлик өкүлдөрү катышты

Көл жээгиндеги фестваль “Манас” эпосундагы кыргыздардын Алтайга айдалышы жана Манас баатырдын төрөлүшү тууралуу окуяларды чагылдырган спектакль менен башталды. Андан соң белгилүү манасчы Молдобасан Мусулманкуловдун варианты боюнча “Манас” эпосунан үзүндү айтылып, айыл аймактардагы “Шайыр апалар” топторунун, маданият тармагындагы өнөрпоздордун жана бийчи кыздардын концерти менен коштолду.

«Манас» эпосунан үзүндү

Кореядан келген туристтер фестивалды кубануу менен кабыл алды

Концерт учурунда Кореядан келген туристтер кыргыз музыкаларына бийлеп, өтүп жаткан фествалды кубануу менен кабыл алышты.
Мынданы сырткары улуттук тамак-аштардын жана алардын жасалышы, кол өнөрчүлөрдүн жарманкеси уюштурулду. Фестивалдын соңунда иш-чараны уюштуруу жана өткөрүүгө жигердүү катышкандарга ыраазычылык кат тапшырылды.

Фестивалды уюштурууга жигердүү катышкандарга ыразычылык кат тапшырылды

Ал эми райондук ички иштер бөлүмүнүн кызматкерлери коомдук тартипти, райондук жалпы дарыгерлер практикалык борборунун дарыгерлери саламаттыкты көзөмөлдөдү.

Барчын Мамытбекова