Ата-эне болууга даярдануу тобокелчиликтерди азайтат

15 Март 2022 жыл 10:32

Көрүүлөрдүн саны: 803

Бириккен Улуттар Уюмунун Калкты жайгаштыруу Фонду Кыргызстанда энелердин өлүмү көбөйүп жатканын билдирди. Анда, мурда энелердин өлүмүнүн көрсөткүчү 100 000 аялга 24 болсо, учурда 36, алтургай 40ка жетип жатканы айтылган. Саламаттык сактоо министри Алымкадыр Бейшеналиев дагы мурдагы жылдарга салыштырмалуу энелер өлүмү көбөйгөнүнө токтолуп, мындан улам төрт башкы дарыгер иштен алынып, дагы он башкы дарыгерге сөгүш берген.