Баетов: Ата-энелердин демөөрчүлүгү менен мектеп кабинеттерине эмеректер коюлду

Ак-Талаа районуна караштуу Баетов айылындагы Шүкүрбек Бейшеналиев мектебинде 2-мартта боло турган облустук семинарга даярдыктар көрүлүп, ар бир окуу бөлмөсүнө эмеректер, окуу куралдары, усулдук бурчтар ата-энелердин демөөрчүлүгү менен жаңыланды.

Ошондой эле экинчи жана үчүнчү кабаттагы баардык окуу залдары мугалимдердин,   жеке демөөрчүлөрдүн каражатына кайрадан жасалгаланып жаңыланды.

Окуу бөлүмүнүн башчысы Чынар Сатындиеванын айтымында, бардык кабинеттерге ар бири 6-8 миң сом турган эмеректер коюлган.

«Мындан сырткары ар бир предметтик кабинеттердин пол, парталары, терезелери сырдалды. Ал эми биринчи кабаттын залы 60 миң сом каражатка жаратылыш залы болуп кайра жасалгаланды», — деди ал.

Жаңы коюлган усулдук бурчтарга мугалимдер көрсөтмө куралдардын бир канча түрүн коюшуп, даярданышууда.

Даярдаган: Жылдызбек кызы Алтынай
Редактору: Айылчиева Адина
Сынак үчүн