-Экологияга аң -сезимдүү мамиле жасоо деген эмне?
Экологиялык билим, ага аң-сезимдүү мамиле жасоо көп компонеттен турган түшүнүк болгону менен негизги идеясы жаратылышка аяр мамиле жасоого үндөө болуп саналат. Бул жашоо образына таштандыны бөлүп чогултуу, калдыктардын санын минималдуу азайтуу, бир жолу колдонуучу буюмдардан баш тартуу, ашыкча сатып алууларга бөгөт коюу, альтернативдик энергия булактарын колдонуу жана башкалар кирет.
Экологиялык аң-сезимдүүлүктүн негизги белгилеринин бири жоопкерчиликтүү сатып алуу болуп саналат. Экология контекстинде аң-сезимдүү керектөө жаңы кийим-кечеден баштап, үй эмерек, буюмдарын минималдаштырууну гана эмес, муздаткычтагы азык-түлүккө дагы аң-сезимдүү мамилени камтыйт. Негизги эреже, канча керек болсо ошончо өлчөмдө сатып алуу. Азыктар ашыкча ысырап болуп таштандыга ташталуусуна жол бербөө.
-Кантип экологияга аяр мамиле кылган адам болуу керек?
Эң алгач жасап баштоо керек. Дароо толук бойдон жашоо образын өзгөртүүдө стресске туш болууну азайтуу үчүн, акырындык менен учурда мүмкүн болгон ылайыктуураак көрүнгөн нерседен баштоо жакшы.
Мисалы: бир жолу гана колдонуучу буюмдардын ордуна бир канча жолу колдонуучу буюмдарды алууга өтсөңүз болот. Ал эми таштандыларды иргеп таштоо бир аз татаал болсо таштанды пайда кылуучу ашыкча таңгактардан баш тартасыз. Экологиялык аң-сезимдүү жашоонун дагы татаал аспектиси — күн же шамал сыяктуу альтернативдик энергия булактарына өтүү. Албетте, мындай кадам белгилүү бир шарттарды жана ири каржылык салымдарды талап кылат. Бирок, ага карабай шамалдан жана суудан энергия булагын алып пайдаланган жердештерди көп эле көруп жүрөбүз алардан үлгү алсак дагы болот.
-Сатып алууда эмнеге көңүл буруу керек?
Күн сайын болбосо дагы тез-тезден сатып алууга керек болгон нерселердин тизмесин билебиз, аларды көп жолу колдонуучу буюмдарга алмаштырган жакшы. Бир жерге чыкканда кайра -кайра суу сатып алуунун ордуна суу бөтөлкө, желим баштыктардын ордуна чүпүрөк баштык, бамбуктан жасалган тиш щеткалары, тарак ж.б.