Режиссердун кыялы: Айымдардын мүмкүнчүлүгүн жогорулатууга салым кошкусу келет

Коомдун өнүгүшүнө салымын кошуп, келечек муундун мыкты тарбия алып чыгышы үчүн жан дилин арнаган элеттик аялды чагылдырган “Элет үнү” тасмасы. Фильмдин режиссеру Асель Сыдыкова Суусамыр айылында мектепти аяктап, коммуникация факультетинде радиотелевидение, кино жана искусство бөлүмүн аяктаган.

Сүрөттө Асель Сыдыкова жана ал режиссерлук кылган «Элет үнү» фильминин башкы каарманы Назима Ишеналиева. Тасмада башкы каармандын мугалимдик ишмердиги, үй-бүлөдөгү орду жана айыл жергесиндеги тиричиликтин түйшүгү чагылдырылган

Тасма Түркияда “Алтын баклава”, Украинанын “Кинодок”, Казакстанда “Бастау”, Кыргызстанда “Бир дүйнө” жана башка эл аралык бир топ сыйлыктарга татыган.

Бирок Асель айымдын кино тармагындагы карьерасы уланган эмес. Өзүнө радио жана телевидениени ылайык көрүп, азыркы учурда Sputnik Кыргызстан үналгысында алып баруучулук кызматты аркалайт.

Асель көбүнчө коомдогу социалдык маселелерге басым жасайт. Дал ушундай тематикадагы көйгөйлөрдү түз эфирлерде уюштуруп, мамлекеттик кызматкерлер менен талкуулайт.

Каарманыбыз алдыдагы көп жылдык планында режиссерлук жөндөмүн текке кетирбей коомго пайдалуу, аң-сезимди өнүктүрүүчү, эң башкысы сапаттуу фильмдерди жаратуу үчүн ой-тилектери бар экендигин айтып, бул үчүн жакындардын колдоосу маанилүү экендигин айтты.

Асель Сыдыкова режиссерлук, журналистик жана башка бардык кесиптерде кыздар да коомго пайдалуу иштерди жасап, бирдей ийиликке жетүүгө мүмкүн экенин көрсөтүп, үлгү боло алат.

Гендердик адис Бактыгуль Исланбекова көпчүлүк кыздар аларды чектеген стереотиптердин айынан жабыркап, кыялындагы кесиптин ээси боло албай, калышат дейт. Мамлекеттин өнүгүүсүнө бардыгы бирдей салым кошуу үчүн эң биринчи кесип тандоодо туура багыт берип, жолду туура көрсөтүү керек деген ойдо.

Гендердик адис Бактыгуль Исланбекова

Кыздар да уул балдар да жакшы тарапка өзгөрүүлөрдүн бирдей флагмандары боло алат. Алар коомдун бардык тармактарында ийгилике жетүүсүнө, кооомго толук аралашуусуна эс нерсе тоскоол болбошу керек.

Барскоондогу мотоциклчен мал доктур айым тууралуу окуңуз.

Зыйнат Самар кызы