Казан-Куйган айылында курулуш үчүн кыш даярдалат

Нарын районуна караштуу Казан –Куйган айылында пескоблок чыгаруучу ишкана иштеп келет. Айыл тургундарында курулуш кылуу үчүн алыскы шаарга барып убара болбостон, өз айылынан эле сатып алуу мүмкүнчүлүгү бар. Ишкана 3 жыл мурда ачылып, айыл элинен буйрутмаларды алып келет.

Сабыр Сулайманов- ишкананын кызматкери

Ишкананын кызматкери Сабыр Сулайманов менен маек курдук:

-Саламатсызбы! Пескоблок чыгаруучу ишкана ачуу идеясы кайдан келип чыкты?
-Биринчиден элге жардам болсун деп, экинчиден өзүбүз бизнес кылып короо жайды оңдош үчүн атайын ишкана ачтык. Бизге көмөк көрсөтүп акылын кошуп жардам берип турган биздин атабыз болду.
-Канча адам жумуш орду менен камсыз болду ?
Ишканада үч адам эмгектенет. Станок менен бирөө иштейт, аралаштыргыч менен бирөө, үчүнчүсү ташыйт. Жумуш эртең менен 8 де башталып кечки 6-7 де бүтөт. Пескоблок даярдоо үчүн цементти Бишкектен, шагылын Нарындан алабыз.

Пескоблокту кургатуу учуру

-Кандай кыйынчылыктар болот?
-Пескоблок чыгарууда кыйынчылык деле жок бардыгы жеңил.
-Пескоблок алууну каалагандар болсо силерге кантип кайрылат?
-Телефон аркылуу заказ кылышса болот же кээде өзүлөрү келип буйрутма беришет.

Акбермет Руслан кызы