Кочкор районунун тургундары үчүн кызыктыруучу лотерея акциясы жарыяланды

Кочкор салык кызматынын «Чек талап кылып, байге утуп ал!» аттуу лотереясынын алкагында Кочкор райондук мамлекеттик администрациясы, Салык кызматынын Кочкор райондук башкармалыгы менен бирдикте «Казынага салым кошуп, ардактуу атуул бол» жана «Мамлекеттин бюджетин колдоп, мыкты мекеме бол» деген аталышта акция башталды.

Акцияда жарандар өздөрүнүн активдүү жарандык позициясын көрсөтүп, эң көп лотерея билетин топтогон  жаранга Нарын облусунун Ардактуу атуулдугу, Кочкор районунун Ардактуу атуулу, мекеме арасында эң мыкты деген наам, акчалай сыйлыктар, облустук жана райондук ардак грамоталар менен сыйланышат.

Акциянын эң башкы максаты:

• Калктын жарандык активдүүлүгүн жана салыктын сабаттуулугун өркүндөтүү
• ККМди колдонуунун социалдык-экономикалык мааниси жөнүндө коомдук пикирди калыптандыруу
• Товарларды, жумуштарды жана кызмат көрсөтүүлөрдү керектөөчү катары өз кызыкчылыктарын коргоо маселелери боюнча жарандардын укуктук маданиятын тарбиялоо
• Мамлекеттик бюджетке салыктык түшүүлөрдү көбөйтүү
• салык төлөөчүлөрдүн арасында ККМды колдонуу боюнча салыктык тартипти жогорулатуу
• Көмүскө экономиканын көлөмүн кыскартуу
• Салык салынуучу субъекттердин арасында ак ниет атаандаштыкты өбөлгөлөө

Өтүлүүчү акция Кочкор районунун жарандарына гана тиешелүү жана акция 2022-жылдын 1-ноябрнан 29- декабрдын саат 18:00нө  чейин ишке ашырылышына Кочкор райондук мамлекеттик администрациясынын жана Кочкор Салык кызматынын башкармалыгы белгилеп кетишти.

Канайым Мирланова, Асема Молдошева