Кочкор району: Мектептер арасында волейбол боюнча мелдеш өттү

2-майда Кочкор районуна караштуу Чолпон айыл аймагындагы мектептер арасында микс-волейбол боюнча спорттук мелдеш уюштурулду. Мелдеш «Ара-Көл» жалпы орто билим берүүчү мектебинде өтүп, оюнга 8 тайпа катышты.

Ара-Көл жалпы орто билим берүүчү мектебинде Кыргыз Республикасынын Президентинин 2021-жылы 29-январындагы №1 жарлыгына ылайык “Инсандын руханий-адеп ахлактык өнүгүүсү жана дене тарбиясы” жана “Биринчи май эмгекчилердин эл аралык тилектештигинин күнүнө” карата Чолпон айыл аймагындагы мектептер аралык мугалимдер арасында волейбол оюнунун Микс версиясы боюнча мелдеш болуп өттү. Мелдешке Корчубек Акназаров, Жунушалы кызы Сайнап, Убайдылда Малтабаров, Абдулла Качыбеков, Асыранбек Мааткеримов атындагы, Ара-Көл жана Ак –Чий жалпы орто билим берүүчү мектебинин мугалимдери катышышты.

Оюндун максаты ден соолукту чыңдоо, биримдикке жана ынтымакка чакыруу, мектептерде волейбол оюнун өнүктүрүү жана жайылтуу.

Жыйынтыгында 1-орунду Убайдылда Малтабаров атындагы жалпы орто билим берүүчү мектеби, 2-орунду Корчубек Акназаров атындагы жалпы орто билим берүүчү мектеби, 3-орунду «Ара-Көл» жалпы орто билим берүүчү мектеби ээ болду. Сыйлык тапшыруу аземи Кочкор райондук билим берүү бөлүмүнүн башчысы Тынчтыкбек Турсуналиевдин катышуусунда болду.

Оюндун соңунда жеңүүчүлөр сыйланышты

Айтолкун Үсөйүнова