Пайдалуу кеңештер: Кургак чайдын пайдалары

Айыл тургундары, кургак чайды кайнатып ичип бүткөндөн кийинки калган  калдыктарын жөн гана ысырап кылбастан аларды пайдалуу жактарын билип, аны пайдалуу гана жакка колдонуп келишкен.

Айыл тургуну Элнура Асанбекова чай тууралу төмөнкүлөрдү айтып берди.

• Чай чамасын гүлдүн идишине салып койсо, андагы топурактын нымдуулугу көпкө сакталат. Ошондой эле ал семирткич катары кызмат кылат;
• Чайдын чамасын кургатып коюп, мешке от жагуу үчүн ичеги катары колдонсо да болот;
• Кургатылган чаманы көмүргө аралаштырып жакса, анын табы көпкө сакталат.
• Ар кандай айнек идиштер, күзгүлөр, терезелер кирдеп калган учурда чайдын чамасы чыланган суу менен сүртсө тез тазарып, туптунук болуп калат;
• Кургатылган чайдын чамасын дааратканаларга төгүп, от коюп жиберсе, ар кандай жаман жыттар тез кетет;
• Жыттанып калган идиш-аяктарды азыраак чайдын чамасы салынган сууда он мүнөт кайнатса, жыты кетет;
• Кургатылган чайдын чамасын жаздыкка салып койсо, жаздыктар жыттанбайт жана жагымдуу жыт да пайда болот;
• Үй ичинде кургатылган чайдын чамасын түтөтүп койсо, үйгө чиркей, чымын жолобойт. Түрдүү майда микробдор өлүп жок болот;
• Таза чай чамасына туз кошуп, жумуртка бышырса өтө даамдуу болот;
• Сарымсак, пияз жегенден кийин ооз жыттанып калса, кургак чайды чайнаган пайдалуу;
• Чайдын чамасы менен кирдеген идиш аяктарды, казанды, жыгач отургучтарды жууса, өңүнө чыгара жылтыратат.

Даярдагандар: Нурлан уулу Канат, Абдыбеков Султан
Редактор: Нуриса Максат кызы
Сынак үчүн