Сүрөт: Кошой-Коргон музейи көчмөн маданиятты чагылдырат

28 Январь 2021 жыл 14:03

Көрүүлөрдүн саны: 19132

Кошой – Коргон – Ат-башы жергесинде 7 кылым мурун пайда болгон байыркы тарыхый эстелик болуп эсептелет. Бул тарыхый эстеликтин тарыхын, ар кандай табылгаларын сактап калуу максатында «Кошой-Коргон» музейи 2007-жылы курулган.

Музей Кошой-Коргон чебинин жанында жайгашкан

Музей 2 бөлүктөн турат

Аталган музей «Дордой» ассоциациясынын президенти Аскар Салымбековдун колдоосу менен салынган.
Музей эки бөлүктөн турат. Биринчи бөлүгүндө «Кошой-Коргон» шаарчасынан табылган экспонаттар менен жабдылган:монеталар, аскердик жана ат жабдыктары, колдонгон буюмдары жана башкалар бар.

Ал эми экинчи бөлүгү имараттын экинчи кабатында жайгашып, көчмөн маданияттын буюмдары коюлган. Бул жерге жалпы Нарын аймагынан табылган экспонаттар коюлган.

2010-жылы музейдин жанындагы кошумча имаратка көркөм өнөр галереясы уюштурулуп, ал жерге ар кандай көчмөн калктын жашоосун чагылдырган сүрөттөр коюлган.