Тажик-Афган согушунун ардагерлерине арналган иш чара өттү

Ак-Талаа районундагы Э.Карсартов атындагы жалпы билим берүү мектебинде Тажик-Афган ардагерлерин урматтоого арналган иш чара өтүп, ага жергиликтүү жетекчилер,  согуштун ардагерлери катышты.

Иш-чарада 1992-1999-жылга чейин 7 жыл бою Таджик-Афган чек арасында кызмат өтөгөн жоокерлердин эрдиги даңазаланып, окуучулар даярдаган чакан концерттик программа тартууланды.

Ошондой эле Ак-Талаа райондук мамлекеттик администрациясынын, айыл өкмөттөрдүн “Ардак грамотасы”, “Ыраазычылык кат” жана  акчалай сыйлыктар тапшырылды.

Эске салсак, Тажик-Афган согушуна Кыргызстандан 3000 жоокер катышып, Россия, Казакстан, Өзбекстан мамлекеттери менен бирге Тажик-Афган чек арасын  коргогон. Тажик-Афган ардагерлер  эгемен өлкөбүздүн  алгачкы ардагерлер болуп саналат жана аларга  ар кандай жеңилдиктер каралган.  Учурда 36 жоокер Ак-Талаа райондук аскер комиссариатынын каттоосунда турат.
1999-жылы 25-февралда Кыргызстан өзүнүн жоокерлерин Тажик-Афган чек арасынан алып чыгып кеткен.

Даярдаган: Барчын Мамытбекова